lipu tomo mi!

toki a! mi jan Kalatopo! ni li lipu mi. nimi mi pi toki Inli li "Galactipod." mi mije. tenpo ni la, mi lon tomo sona suli. ni lon la mi kama sona e nasin pi ilo sona. toki Python en toki C# li musi tawa mi. tenpo suno 7 la, mi pali e sitelen tawa, tawa ilo YouTube.

mi lon kulupu Ham. tenpo kama poka la, mi toki kepeken ilo toki wawa—ilo mi li jo e wawa 100W—taso, tenpo ni la, mi pali e palisa wawa. tenpo ni la, mi toki kepeken ilo lili. ilo ni li jo e wawa 5W. mi toki kepeken nimi kalama, taso mi kama sona e nasin Morse.

tenpo ni la lipu li sin li lili a. mi sitelen e lipu ni tawa kama sona. ni la mi kama sona e ilo JavaScript e toki pona. taso lipu ni li pona tawa lukin mi a! ni li pona li wan, sama lipu majuna lon kulupu GeoCities. mi wile awen e nasin.